बालपणाच्या काळात मुलांचा विकास कसा करावा’ या विषयावर कु.काबरा यांचे परिसंवाद संपन्न
कोल्हापूर जिल्हा माहेश्‍वरी सभा, कोल्हापूर जिल्हा माहेश्‍वरी महिला संघटना, कोल्हापूर जिल्हा माहेश्‍वरी युवा संघटना, आणि इचलकरंजी शहर माहेश्‍वरी महिला संघटना यांच्या संयुक्त विद्यमाने औरंगाबादच्या प्रसिध्द व्याख्यात्या कु.आभा काबरा यांचे ‘बालपणाच्या काळात मुलांचा विकास कसा करावा’ या विषयावर परिसंवाद इचलकरंजी येथे आयोजित करण्यात आला होता. या परिसंवादला उत्स्फूर्त प्रतिसाद मिळाला.
प्रारंभी कोल्हापूर जिल्हा माहेश्‍वरी सभेचे अध्यक्ष नितीनजी धूत यांनी स्वागत व प्रास्ताविक केले. यावेळी आभा काबरा यांनी, आज युग बदलत चालले आहे. पूर्वीचे शिक्षण पुस्तकांच्या माध्यमातून दिले जात होते. परंतु आज सर्जनशीलतेद्वारे शिकवले जाते. त्यामुळे तुमची मुले सर्जनशील व्हावीत याकडे लक्ष द्यावे. प्रत्येक पालकांना त्यांची मुले आज्ञाधारक, शिस्तबध्द असावीत असे वाटत असते. पण आता आपण मुलांमध्ये चांगला आणि आनंदी माणूस आणि लवचिकता आणि चांगले जुळवून घेण्याचे गुण विकसित केले पाहिजेत. पालक हे मुलांचे आदर्श असतात. म्हणून पालकांनी त्यांच्या वागणुकीबद्दल आणि कृतीबाबत नेहमी जागरूक असले पाहिजे. मुलांना दररोज संस्कृत श्‍लोकांचे पठण केले पाहिजे, ज्यामुळे मेंदूच्या विकासाला गती मिळते. मुलांमध्ये शिस्त विकसित करण्यासाठी आंघोळ, खाणे आणि झोपणे याची वेळ निश्‍चित केली पाहिजे. अशा अनेक गोष्टी कथेच्या माध्यमातून सांगण्यात आल्या आणि उपस्थित पालकांच्या प्रश्‍नांना अतिशय अचूक आणि सुंदर उत्तरे देण्यात आली. हा परिसंवाद उत्स्फूर्तपणे संपन्न झाला.कार्यक्रम यशस्वीतेसाठी आनंद बांगड, पुष्पा काबरा, मंजू सोमाणी, लालचंद गट्टाणी, कृष्णकांत भुतडा, संगीता मुंदडा, सरिता बालदी, जुगल भांगडिया, गोविंद मंत्री, बजरंग काबरा, पद्मा खबानी यांच्यासह सर्व कार्यकारिणी सदस्यांनी विशेष प्रयत्न केले. यावेळी प्रदेश युवा संघटनेचे अध्यक्ष विनीत तोष्णीवाल, माहिती व प्रसारण मंत्री मुकेश खाबानी, प्रदेश कार्यकारिणी सदस्य शांतीकिशोर मंत्री, तहसील अध्यक्ष रामगोपाल मालाणी, राज्य प्रदेश महिला संघटनेच्या उपाध्यक्षा सौ.कांता लाहोटी उपस्थित होत्या.सेमिनारचे यशस्वी सूत्र संचालन लालचंद गट्टाणी, कृष्णकांत भुतडा व कु.सरिता बालदी यांनी केले. शेवटी सौ.मंजू सोमाणी यांनी आभार मानले.
